चलचित्र ‘अञ्जिला’को गीत ‘रात किन हुन्छ हजुर’ सार्वजनिक

काठमाडौं । चलचित्र ‘अञ्जिला’को गीत ‘रात किन हुन्छ हजुर’ सार्वजनिक भएको छ । बिहीबारदेखि प्रदर्शनमा आएको ‘अञ्जिला’को गीत युट्युबमा सार्वजनिक गरिएको हो ।
गीतमा दुःख, पीडा र बेदना पोख्ने शब्द छन् भने गीतले चलचित्रकी प्रमुख पात्र एन्जिला तुम्बापो सुब्बाको जीवनकाथाका केही अंश बोल्छ ।
थानेश्वर गौतम र शान्तिश्री परियारको स्वर रहेको गीतमा थानेश्वरको संगीत र प्रभा बर्तौलाको शब्द रचना रहेको छ ।
नेपाली महिला राष्ट्रिय फुटबल टिमकी कप्तान एन्जिला तुम्बापो सुब्बाको जीवनीमा आधारित‘ चलचित्र अञ्जिलामा एन्जिला आफैँले प्रमुख भूमिकामा अभिनय गरेकी छन् ।
चलचित्रमा एन्जिलासँगै सुनील थापा, दयाहाङ राई, विजय बराल, सिर्जना सुब्बा, माओत्से गुरुङलगायत कलाकारको अभिनय छ ।
चलचित्रलाई मिलन चाम्सले निर्देशन गरेका छन् ।
प्रकाशित मिति: शनिबार, चैत २, २०८१ ०९:३३
प्रतिक्रिया दिनुहोस्
साताको लोकप्रीय