काठमाडौं । चलचित्र ‘पूर्ण बहादुरको सारङ्गी’ आजबाट प्रदर्शनको सय दिनमा प्रवेश गरेको छ । कात्तिक १५ गते रिलिज भएको चलचित्र आजबाट प्रदर्शनको एक सय दिनमा प्रवेश गरेको हो ।
‘पूर्ण बहादुरको सारङ्गी’ सबैभन्दा धेरै हलमा एक सय दिन प्रदर्शन हुने चलचित्र बनेको छ । निर्माता विनोद पौडेलले सबैभन्दा धेरै हलमा एक सय दिन प्रदर्शन भएर ‘पूर्ण बहादुरको सारङ्गी’ले नयाँ रेकर्ड बनाएको छ ।
काठमाडौंको सामाखुसी, रञ्जना, राइजिङ महल, बनेपा, बुटवल र धरानको हलमा एक सय दिन मनाएको हो ।
यसैबीच, प्रदर्शनको सय दिन पुगेको अवसरमा निर्माणपक्षले दर्शकलाई एक सय रुपैयाँमा टिकट उपलब्ध गराएको निर्माता पौडेलले जानकारी दिए ।
एक करोड ३० लाखमा बनेको चलचित्र पूर्ण बहादुरको सारङ्गीले नेपालभित्र र बाहिर गरेर ७५ करोडको हाराहारीमा कलेक्सन गरेको छ । चलचित्र नेपालमा हालसम्म सबैभन्दा धेरै कमाउने चलचित्र समेत बनेको छ ।
सरोज पौडेलको निर्देशन बनेको चलचित्रमा विजय बराल मुख्य भूमिकामा छन् ।
