काठमाडौं । म्यान्चेस्टर युनाइटेडलाई पराजित गर्दै टोटनहाम इंग्लिस फुटबल लिग (इएफएल) कपको सेमिफाइनलमा प्रवेश गरेको छ । गए राति भएको क्‍वाटरफाइनल खेलमा टोटनहामले युनाइटेडलाई ४-३ गोलअन्तरले हराएको हो ।

टोटनहामको जितमा डोमिनिक सोलान्केले २ गोल गर्दा डेजान कुलुसेभ्स्की र सन ह्युङमिनले १-१ गोल गरे भने  युनाइटेडका जोसुआ जर्क्जी, अमाद दियालो र जोनी इभान्सले १-१ गोल गरे । जीतसगै टोटनहाम सेमिफाइनलमा स्थान बनाउन सफल भयो । 

त्यस्तै अर्को खेलमा लिभरपुलले पनि साउथह्‍‍याम्पटनलाई २-१ गोलअन्तरले हराएर सेमिफाइनल पुगेको छ । फाइनल प्रवेशका लागि टोटनहाम र लिभरपुल भिड्ने छन  ।